熱辣辣熱辣熱辣辣好熱好熱！家陣只係五月咋，但已經有成31度，真係食幾多好西瓜都唔夠消暑解渴囉，計毛毛話，要食埋雪糕先夠爽呀！

話時話，有時真係覺得啲舖頭唔止冇心優惠畀人呀，仲一啲都冇顧過單身狗嘅感受！直接一杯收平啲唔得嘅？係都要搞埋晒咩第二杯半價，一個人就算食得落兩杯呀，都食唔切啦，實溶到一地都係！

不過咁，第二杯半價，諗落…又真係好抵食呀可？有食唔食，罪大惡極呀，幾大都食埋佢！學日本呢個網友咁咪一啲壓力都冇囉，仲不知幾有霸氣！

冇錢買兩杯雪糕唔緊要喎，一樣可以食到飽嘅，只要你遇到呢個7仔姨姨！雖然啲雪糕唔係阿姐你私伙嘅啫，都唔使咁豪，唧到大大杯咁呀嘛？睇嚟呢個阿姐都算係唧場新手嚟喎！唔怕，不如等毛毛捉實你隻手教你點唧雪糕呀？

封面圖片、資料來源：elevenbaby／twitter 、SerinaNishiyui／twitter