2016年05月24日 星期二
【難分真與假】乜原來呢1088道菜都係用石頭砌出嚟㗎？
每逢大時大節，阿媽都肯肯定會煮返十道八道撚手小菜，擺到成枱都係咁，真係諗起都覺得興奮～不過喺新彊，何止十道八道吖，一次過擺晒1088道菜喺張枱度都仲得，真係何其壯觀呀！！！
嗱，擺得晒1088道菜，張枱當然都唔小嘢啦～聽講呢張枱嘅直徑足足有成16.8米咁長㗎！喂咪住先，張枱咁L大張，咁咪要啪返粒橡膠果實先夠手長夾到最中間嗰碟餸？
哎吔，好心你哋咪成日都掛住食啦～其實呢個笨唔係一般嘅宴會嚟，佢係「天下第一奇石宴」呀，即係呢1088道菜係用各種奇形怪狀嘅石頭砌成，係唔食得㗎囉。
認真，如果冇人同毛毛講呢啲係石頭，毛毛真係想一啖哎落去……唉，原來連呢啲睇落咁好味嘅嘢都係假，到底呢個世界仲有咩係真㗎？
