成日淨係話要贏在起跑線，甚至贏在身寸米青前，喂呀，有冇諗過輸在起跑線嘅小朋友有咩感受㗎！

而家啲功課又要識分公雞同母雞係「咯咯咯」定「喔喔喔」咁叫～

寫隻字又話要有「腳」先至啱，真係唔出盡奶力咁做都拎唔到A呀！

如果成績唔好，梗係要上功課輔導班啦（between其實而家好似成績好唔好一樣要補習），不過唔好以為你肯畀錢上堂就有得你上呀！呢間教育中心就寫明如果過咗期先報名，就要有區議員、學校老師或者社工乜乜乜推薦信先收你喇！有網民話可能係想優先照顧有經濟困難嘅小朋友呢？但係又有人覆返話呢個班本身都要成2000蚊1個月……嘩，毛毛真係睇唔透呀。

其實小朋友都係成績唔好，喺起跑線輸咗，先要上功課輔導班啫，點知連想中途發力都要推薦信先得，連報個補習都失敗……唉，人生。

封面圖片、資料來源：Noopie Cheng／不願小朋友成為功課奴隸

回帶：

【媽好亂呀】到底公雞係咯咯咯定喔喔喔叫？

幼稚園老師要求學生寫字一定要有「腳」？