做貓奴嘅，梗係24小時都隨傳隨到，服侍周到啦，不過主子就唔同喇，鐘意匿喺梳化底就匿喺梳化底，想跳上天花板就想跳上天花板，搞到貓奴成日摷勻成間屋先搵到聖上去咗邊度巡視江山！

如果唔夠眼利，仲分分鐘搵成日先知道原來主子遠在天邊近在地毯呀！成隻喵星人都可以咁難搵，如果係細細部嘅挨瘋，咪反轉間屋都似？

有日本網民post咗呢張相叫大家搵下部挨瘋喺邊喎，嘩張地毯咁花，睇到毛毛眼都花呀，唔好玩啦，是咪真係有挨瘋㗎？

等毛毛放大啲睇下先！都仲係搵唔到囉！死喇毛毛是咪要去驗眼呢？

毛毛隔住個mon都知你哋瞪到對眼大一大、出盡奶力咁搵緊傳說中嘅挨瘋㗎喇！開估啦！燈燈燈凳！就係呢度喇！係咪唔講你唔知，一講你就知呢！呢個故事教訓我哋，用花呢碌地毯都唔緊要，最緊要係唔好仲要用埋花呢碌電話殼呀！

封面圖片、資料來源： 2ch討論區