毛毛敢講，Facebook status 排行榜頭10位一定有「今日真係攰到成隻狗咁」呢句！不過汪星人見到就表示：我日日淨係食同瞓，主人返到揈下尾畀下hand hand就有罐罐食，都不知幾梳乎呀汪汪～

不過又唔係隻隻汪星人都咁懶豬嘅，唔通佢哋趁主人出咗門口偷偷地返工賺錢又要話你知咩！好似呢隻柴狗攬住嘅大咕?咁呀，上面印隻個大嘜頭同佢係一樣樣㗎！唔通佢真係靜雞雞做model影相出咕?賺錢？瞓得咁冧，拍攝工作一定好攰喇。

唔止柴狗呀，連呢隻法鬥仔都一樣要拋個身出嚟影相出咕?，果然搵食艱難呀。個樣樣咁無辜做咩呀？唔使唔認喇，你連個舖屎都100％match，咕?嗰隻狗仔仲唔係你？！

Good Boy！咁叻仔，以後就調轉，你去搵錢錢買飯飯畀主人食好唔好呀？最多主人畀hand hand你啦？

封面圖片、資料來源：mesomeso1009／twitter