呢期興咩type女神？偽ABC？冇返咁上下身材都扮唔到嘅。韓妹？一字眉同超sharp咀唇又唔係人人carry到喎。死喇，咁妹豬們想扮女神咪無從入手？唔緊要，扮文青咪得囉，戴副眼鏡、拎住本書，即刻成陣書卷味湧出嚟呀。

最近強國就有個女model拎住本書扮文青影咗輯相，都不知幾多人like＆share呀！不過就唔係因為佢嘅小清新，而係因為佢本書呀！本書睇落都正正常常呀，同background隻色又幾夾，有咩問題先？唔通係咸書嚟嘅？！

有俄羅斯網民就踢爆呀，原來呢個偽文青睇緊嘅係蘇聯時期出嘅《Э-505型挖掘機維修指南》嚟呀！估唔到文青都要學維修以備不時之需呀下。咩喎，本書寫俄文又唔係寫殘體，人哋係強國同胞，唔識睇都好正常呀。攝影道具咋嘛，有feel咪算囉。

呢架咪就係個偽文青夢寐以求嗰部挖掘機囉。

之前人哋著住老母買畀佢件大大隻字寫住「I don’t have a boyfriend」嘅英文字Tee都係咁啦！呢個故事教訓我哋，讀書識字真係好重要。毛毛都係去書展睇下有咩書好睇，進修下先！

封面圖片、資料來源：中時電子報

延伸閱讀：【招男友】老母買件咁嘅衫算係咩意思？