白天不懂夜的黑，重口味寶寶又點會明白揀飲擇食L面對成碗密鋪平面嘅蔥花芹菜莞茜韮菜嗰陣，內心係幾咁激動幾咁徬惶！

之前上網見到有揀飲擇食L發明咗個印仔出嚟，一嘢將啲要求印落張單度畀個老闆睇，雖然覺得好正，但以為應該唔會有人真係拎出街用啩？

點知，毛毛實在年輕喇。原來真係有客仔帶埋呢個走青恩物去幫襯㗎！有個做食店嘅網民話收到張單上面戳咗呢個印仔，都話覺得個客人實在太專業喇！

唓～其實再專業啲都仲得呀！著呢件tee上身，雞乸咁大隻字，睇下老闆仲夠唔夠膽畀成碗青我！

封面圖片、資料來源：尤仕傑

延伸閱讀：【揀飲擇食L恩物】你為咗走青可以去到幾盡？