平時見啲餐廳條廁所鎖匙都會掛住塊牌，又或者係鎖匙扣呀咁，驚畀食客借嚟借去會整唔見吖嘛！你知啦呢個世界好多大頭蝦㗎，好似呢個網民咁牙刷當咗係筆帶咗返公司都有呀！

但估唔到，原來餐廳嘅廁所鎖匙都可以咁大牌，咁霸氣㗎喎！

有網民喺元朗一間餐廳度見到呢條用咗成塊木板做鎖匙扣嘅廁所鎖匙，毛毛目測塊板分分鐘仲大過張A4紙?喎！上面仲好有心機咁用晒中英文寫住「男」同Gentleman’s key，咁就唔驚啲食客會拎錯，又或者係唔記得還啦！老老竇竇，毛毛相信個老細會咁樣樣做，應該都係試過畀人拎走咗條鎖匙n咁多次先會咁喇，之不過講到有經歷嘅人又點止得佢一個吖！

呢間餐廳老闆就索性一物二用，用牛咁大隻嘅匙羹勾住抽匙，咁咪唔使另外買塊板囉！之但係話時話，急到就嚟瀨嗰陣仲要拎住啲咁重嘅嘢開鎖，真係生死時速，玩命㗎喎……留名等睇遲啲有餐廳進化到綁抽鎖匙落個廁所板呀下！

圖片來源、資料來源：盡在元朗