喺好耐好耐以前，香港係一個美麗嘅漁港，大部份人都係以捕魚為生。雖然後來香港慢慢變咗做一個商業社會，但係多得一班強國人，昔日漁港嘅風貌又再次重現喇！

有讀者噚日去石澳情人橋嗰陣，就親眼見證住呢個強國家庭喺石灘度捉魚嘅奇景呀！你可能會話，唓周街都有人釣魚㗎啦，捉魚呢啲小事又有咩咁出奇呀？少年你太年輕了，事關佢哋竟然係用把遮嚟捉呀！

嗱佢哋分工合作，阿爸同個仔就負責揸住把遮困住啲魚埋一邊，阿媽就徒手捉，成件事幾有愛呀，唔講毛毛仲以為自己睇緊《愛回家》呀！

個讀者仲話當時附近有好多人經過，但係呢幾個強國人從來都放棄過要做一個偉大嘅漁夫嘅夢想，一直捉呀捉，最後仲用個水樽裝住幾條魚走人～唔知係咪諗住拎返屋企加餸呢下？

其實佢哋都係用把遮嚟捉魚啫，又唔係拖埋個篋去捉，算係咁啦。包容下啦大家，55。

讀者來圖：Dennis Ma