有時喺街上見到啲狗仔因為畀主人強行幫佢哋著咗鞋仔而行到成隻鴨仔咁，都有啲戥佢哋辛苦㗎。呢隻雀仔係咪覺得狗仔著鞋好好玩，所以又學人著埋一份呀？

呢隻野生反舌鳥受咗傷，對腳好似煮熟咗嘅鳳爪咁向入面縮埋，用腳背嚟行路，真係睇見都覺得好心痛呀。

見隻雀仔咁慘，救護人員就用紙板同膠布幫佢度腳訂造咗對超級大碼鞋喇！佢啲迫埋一撮菜咁嘅腳趾終於成功打返開喇！救護人員仲話，著大約兩個星期，佢就可以好返晒㗎喇～希望雀仔快啲冇事，可以再次飛嚟飛去啦～

부산에 있는 조은 병원인데 소동물한테 깁스해주는거 진짜 귀엽다 pic.twitter.com/SsQmUqZDiT

— 보이스컴션받는 퐁챠 (๑•̀ω•́๑) (@Cyp_cha) December 22, 2015

之前都有隻倉鼠，因為整親隻腳仔搞到要打迷你石膏呀，雖然係好慘豬，不過又忍唔住覺得真係巧打耳…… Btw，真係多謝班救護人員咁細心照顧小動物呀，respect！

封面圖片、資料來源連結：California Wildlife Center、boredpanda、Cyp_cha／twitter

延伸閱讀：【陰公豬】倉鼠打迷你石膏