喺呢個「飯可以唔食，但Like唔可以唔呃」嘅年代，間唔中去扮睇展覽影相呃Like是常識吧。

最近，有位台妹都去咗睇展覽影相呃Like。雖然張相影到佢條腿好長好索呀，但弊就弊在佢唔小心影埋個「請勿碰觸」嘅牌，而佢隻手又真係掂住啲展品呀嘛！喂唔得喎，up張咁嘅相容乜易呃唔到Like之餘仲畀人恥笑㗎……呀，有計！叫PS大神執走個牌咪得囉！

呢位妹豬又係幾醒嘅，短短4分鐘就引到大批網民留言兼呃到54個Likes。唔止咁呀，佢仲真係引到PS大神出動幫佢執相?！只不過個PS大神咁啱係佢睇嗰個展覽嘅工作人員咋嘛～

另外，由於呢位展覽工作人員想交功課嘅時候，嗰位台妹豬已經刪咗post，所以佢咪唯有自己再開過個新post咁囉……

老老77，展品寫明唔摸得都照摸兼擺上網叫人執走過「請勿碰觸」牌係咩玩法？以毛毛9估，呢位台妹都係想幫個展覽做下宣傳，等多啲人可以感受下嗰度嘅藝術氣息，所以先搞單7嘢出嚟引人關注啫！55，一定係！

資料來源：Cookie Lee／●【爆廢公社】●