眾所9知，狗仔嘅壽命對比起人類嘅話大多數都只係得十幾年命，如果隻狗仔有病嘅話就分分鐘更加短……我哋可以做嘅，就只有珍惜同佢哋相處嘅每一個時刻，就好似呢個美國男人咁。

佢０４年嗰陣領養咗一隻雪橇同德國牧羊混種嘅狗仔Spunky，從此就當Spunky係一家人一樣，佢想去邊玩就帶佢去邊玩。而嗰陣時Spunky最鍾意玩嘅，就係雪。

但可惜後來主人要搬到去一個好少會落雪嘅地方做嘢，而Spunky亦都好少機會可以玩雪噜。為咗氹Spunky開心，主人應承佢，話終有一日都會帶Spunky去玩雪，只不過幾個月之後主人同Spunky去睇醫生，就發現Spunky原來有cancer，冇得醫之餘，醫生仲建議主人幫佢安排安樂死……

就算知道Spunky就嚟要走，都要令佢走得開開心心！主人諗返起自己曾經應承過Spunky要帶佢去玩雪，於是就喺facebook問大家有冇方法喇！好彩有一班動物收容所嘅員工同義工見到，成班人夾錢租咗部製雪機帶去Spunky屋企。因為愛嘅力量，夏天都落起雪嚟喇：

嗚，睇到毛毛都眼濕濕。哥落嘅唔係雪，而係洋蔥呀嗚哇！

PS:主人最後都唔捨得Spunky，決定放棄安樂死，要同Spunky好好咁過埋最後呢段時光～

圖片來源、資料來源：Ashley Niels、The DoDo