而家好多人都覺得愈瘦愈靚，啲妹豬本身都已經瓜子面㗎啦，都仲要又掃陰影又三七影相，影完仲要美圖瘦獸推一推個下巴先肯post，叫圓碌碌嘅鬆弛熊情何以堪呀！

鬆弛熊可能唔抵得班妹豬下巴尖尖，於是都努力減肥呀，而最近佢終於瘦面成功喇！不過顏值就好似……冇提升到。所以話，真係唔好一味覺得瘦就係靚呀。

呢款其實係日本有得賣嘅鬆弛熊菓子，連稅賣389円咋，軟綿綿咁嘅樣真係巧打耳呀，叫人邊捨得食落口呀。Between，而家就算睇返正常版鬆弛熊個樣，腦入面都只會浮現佢瘦面成功個樣，一切都已經回不去了，就好似當初睇過鬆弛熊真身原來係個地中海怪叔叔張圖咁…… 

之前日本有款鬆弛熊限定拼圖蛋糕，畀你自己砌鬆弛熊嘅眼耳口鼻出嚟，有得玩又有得食～

於是世界上就出現咗一大堆比瘦面鬆弛熊更加崩壞嘅版本……就好似對眼唔知飛咗去邊嘅鬆弛熊……

甚至係進化做青蛙嘅鬆弛熊……

仲有射喱眼嘅鬆弛熊呀！佢個眼神簡直好似嗰隻柴犬咁煩呀！

唉，畀人咁玩法，鬆弛熊你都係睇開啲啦，係呀，唔睇開啲咪變鬥雞眼囉！

柔らかくなってるわ、トレーにくっついてるわで、えらい顔になってもうた・・・ pic.twitter.com/aR6AbAJern

— 〓LOTUS〓＠馬骨20年生 (@bluelimbo) September 27, 2016

封面圖片、資料來源連結： bluelimbo／twitter、 gigazine.net