2016年09月29日 星期四
【台灣打風】繼歪腰郵筒之後竟然有斷腰郵筒！
最近台灣受到超強颱風「鮎魚」吹襲，喺狂風暴雨之下出現咗唔少奇景呀！
個風有幾勁？睇下呢支街燈咪知囉！有個網民因為屋企停電所以去咗朋友屋企避難，點知發現窗外面有啲好怪嘅光照入嚟，唔通係消防員用電筒亂咁照？
落到街睇清楚啲，原來係一支畀颱風吹到反咗嘅街燈呀！不過街燈就表示自己唔係吹反咗咁弱雞，只係烏低身烏得耐，想伸下懶腰啫。
仲記唔記得舊年因為打風，台灣出現咗兩個吹到企都企唔直嘅歪腰郵筒呀？嗰時佢哋成為台北打卡新景點，甚至有人幫佢哋改名做小紅小綠，仲開埋Facebook page㗎！
繼歪腰郵筒之後，台灣竟然連斷腰郵筒都有！有網民話本身想去寄信，點知搵唔到個郵筒，原來佢哋畀鮎魚吹到唔止歪腰，連腰都斷埋，死得好慘呀……
之前強國見台灣個歪腰郵筒咁hit，為咗方便同胞唔使老遠去到對岸先打到卡，咪整咗個山寨版出嚟囉，唔知今年強國又會唔會照copy斷腰郵筒出嚟呢？
封面圖片、資料來源連結：NoPTT／PTT、歪腰郵筒、程花、onorikae／twitter、老貓不負責任的機車評論
歪・回帶：
