I have a bus. I have an apple. Uhhh......apple bus！話說，最近有馬鞍山街坊就話自己星期二朝早搭85m出九龍嗰陣，喺巴士上層見到有市民食蘋果，仲食到一地都係垃圾?……下，唔係咁過份呀嘛？而家就等毛毛同大家一齊睇過睇過。

嘩，係滿滿的蘋果皮呀！

雖然開講都有話「一日一蘋果，醫生遠離我」啫，但你都唔使食到一地都係蘋果皮，仲要大大嚿蘋果椗放埋喺地下度㗎！搞到呢位街坊都忍唔住話：「大哥大姐，好心唔好咁喇！呢度唔係大陸呀，你喺屋企係咪都係亂地吐㗎！」

老實講，毛毛明白有時香港人做嘢忙到連食飯時間都冇，要局住喺巴士食啲嘢頂肚。毛毛都唔係話喺巴士食嘢就一定要批鬥你，但唔該有返少少公德心啦好嗎？

資料來源：Flora Wong／馬鞍山之友