柴犬嘅嘢，夠cute就是任性，佢哋一硬頸起上嚟，真係連天王都冇面畀呀！而最近，就有日本公司設計咗一系列柴犬產品，勢要俘虜一眾柴犬控嘅心咁話喎～等毛毛即刻同大家睇下呢set柴犬產品有啲咩啦！

首先當然有柴犬掛飾啦，細細隻容易掛喺袋呀嘛，幾時想望住佢都得啦～

跟住仲有乖乖幫你咬住拖鞋嘅柴犬。

而有柴犬喇喎……又點少得佢個軟綿綿pat pat呢？又可以擺錶，又可以擺信，掂啦！

最後，亦都係毛毛最鍾意嘅柴犬產品（沒有之一），扭計柴犬卡套！

睇下，係主人帶佢落街散步佢都唔願郁嗰個樣呀～真係見到就想搣爆佢塊包包面！你班柴犬控很想要吧？

資料來源：felissimo（←想知多啲可以睇呢度）