養寵物雖然開心，但有陣時見到佢哋喺度搞搞震，做主人嘅都唔知好嬲定好笑好喇。好似呢個強國網民咁，一打開部notebook就見到呢幕慘劇喇。

毛毛終於都知道咩叫粒粒皆辛苦喇，真係隔住個mon都feel到有血有汗，I mean個主人個心流緊血同埋滴晒汗呀！

喺案發現場仲捉到一名綠黃色嘅犯人喺度喙住其中一粒鍵盤，疑似毫無悔意，仲擺晒舖屎，三七面咁樣影犯人相?喎！

話唔定佢係見個鍵盤唔係跟住英文字母順序先至幫主人你順序排列返啫！而且樂觀啲諗，舊嘅唔去，新嘅又點嚟呢？多得佢你先可以買過部新notebook咋！咁樣諗係咪開心返啲呢？

圖片來源、資料來源：曉艷時／微博