時裝嘅嘢毛毛不嬲都係識條鐵㗎喇，好似之前同大家講過，有個北歐時裝牌子印咗啲奇怪中文字落啲衫度就話係high fashion，睇唔透，毛毛真係睇唔透。

不過fat唇嘅嘢，不嬲都係睇唔明先叫潮㗎嘛！照咁睇嚟，呢隻哥斯拉造型嘅耳環都肯肯定係今季最流行嘅飾物嚟啫！

全部都係一位日本網民自製，連啲details位都做得超細緻，勁好手工㗎！而最估唔到嘅，原來隻怪獸個背脊上面啲刺刺係用水草嚟做㗎喎！

老老竇竇吖，其實毛毛望得佢個樣耐都有少少淆呀…冇計，毛毛什麼鬼都怕，邊似呢個日本妹妹咁，夠膽戴上耳咩！

講真，戴咗上耳之後又真係幾有霸氣嘅。之不過隻嘢咁重壓落隻耳度，毛毛有少少戥隻耳仔辛苦啫……不過肯肯定係毛毛唔識嘢啫，喺潮流世界入面，為咗型，少少苦楚係值得㗎！55！

圖片來源、資料來源：kyooochang／twitter

回帶：【Fashion嘅嘢】印啲奇怪中文字落件衫度是咪型啲㗎？