雖然毛毛未做過媽咪，不過都知道做媽咪有幾辛苦，尤其阿B得幾歲大，開始識行，就會周屋走，探索下呢個世界，滿足下自己嘅好奇心～媽咪又要餵阿B食嘢又要氹佢覺覺豬，有時都真係想叫阿B乖乖地自己坐埋一邊玩陣先，畀媽咪抖下啦～

阿B終於都靜靜地自己同自己玩，媽咪可以抖啖氣喇～等媽咪去睇下阿B玩緊咩先～阿B，片片日日都呵住你錫住你，你做咩將佢哋摷晒出嚟周圍貼呀！爸B咁辛苦返工都係為咗賺錢買片片畀你咋！

不過媽咪呀，你都係睇開啲啦，阿B玩尿片唔係玩奶粉已經好好，起碼都仲用得返呀…… 

人哋話而家啲小朋友早熟，原來係真㗎！呢個阿B已經唔玩片片玩巾巾喇！阿B唔好咁心急啦，過多十幾年你自然要用㗎喇！

唔知BB同紙巾呀尿片呀呢類嘢係咪世仇嚟㗎呢，一見到就會忍唔住掹晒佢哋出嚟飛到一地都係！呢個故事教訓我哋，平時嘈嘈閉嘅BB突然好安靜咁自己玩，媽咪先至要更加提高警覺呀，就好似男朋友無啦啦唔出聲，一定有古怪…… 

2歳児がやけに静かな時は注意が必要なのですよ pic.twitter.com/4piOwpa9S5

— あや千代 (@bwayacho) October 19, 2016

封面圖片、資料來源連結：bwayacho／twitter

延伸閱讀：【BB保你大】睇漏一眼啫 點知就搞成咁喇！

【媽咪崩潰一刻】阿B倒到成個廁所都係狗糧 狗狗竟然仲走埋去食