學uncle bus話齋，你有壓力，我有壓力，有時候唔搵啲方法嚟減下壓真係唔得掂。為咗減壓，有人會選擇去旅行，有人會選擇食好西，而亦都有人選擇整爛部計數機嚟撥走不滿喎！一齊睇下～

話說，最近有網民就以caption「香港學生嘅壓力真係大」喺名校 Secrets facebook page度post咗呢張計數機遺照，大家見部計數機粉身碎骨咁樣樣就知道佢死得幾慘啦！

雖然毛毛都明白喺吳焗腸嘅英明領導下，香港學生壓力大係在所難免，但部計數機話晒都陪你入過咁多次試場，冇功都叫有勞吖！你做咩要咁對佢喎……佢係無辜㗎嗚嗚……

其實想減壓嘅話，去鵝頸橋打焗腸小人or好似呢位學生哥咁跟住部計數機畫一次又得啫～得咗！

btw，其實毛毛都想睇下部計數機咩構造好耐，只係一路都冇咁嘅勇氣……多得呢位同學仔，而家毛毛終於睇到喇。

資料來源：名校 Secrets

延伸閱讀：做完卷有時間剩咪成部計數機畫返出嚟囉！