幾時都話高手在民間，而最近，台灣又有位高手唔覺意露咗一手喇！

話說有客人就order咗份多士，咁佢諗住叫店長幫佢淋多層醬啦，點知呢位店長就唔小心將「淋一層」聽錯做「林依晨」（留意返，係用國語讀），然後咪用朱古力醬畫咗個相似度高達90%嘅林依晨出嚟畀佢囉！一齊睇下～

嘩，呢個用朱古力醬畫嘅林依晨使唔使咁似呀？搞到毛毛一見到佢就諗返起以前煲《惡作劇之吻》嘅美好回憶?。話時話，咁到底呢位店長係何方神聖，點解啲畫功可以咁強㗎呢？實不相瞞，呢位店長之唔係台灣一位好出名嘅「果醬畫」大師囉！大家睇下，佢連單手畫JJ林俊傑都完全冇難度㗎～

btw，講開單手技能呢樣嘢，其實毛毛都唔差嘅，只係呢個世界暫時未有人識欣賞毛毛嘅技能啫，好似係。

資料來源：翁逸庭／●【爆廢公社】●

回帶：【高手在民間】用朱古力醬滴出仿真度99%林俊傑

回帶又回帶：【高手在民間】咩話！呢個周董係用豉油畫嘅？！