對付失眠嘅經典方法，一定有數綿羊份，合埋眼幻想下喺你面前有好多隻羊仔，一隻…兩隻…三隻……喂！唔好飛咁快呀！數亂咗毛毛又要重新數過，天光都未有得瞓㗎喇！

講緊飛得好快嘅咪就係呢隻羊仔囉！紐西蘭有隻羊仔因為跨欄嘅時候成隻飛天羊咩俠咁而畀網民瘋狂改圖呀。Post相嘅Red Meat NZ話呢張圖絕對冇改過，不過咁啱有埋個天然藍底，咁多位PS大神見到又幾難忍到手嘅。

太空戰士，一飛沖天～咩！有飛天羊咩俠保護大家，有見到壞人就咩返佢哋，呢個地球一定可以天下太平！Between，毛毛覺得如果佢著返條底褲當面褲，成個look會有feel好多。

估唔到羊咩俠除咗識保衛地球，仲識得跳水、跳舞，同掟鏢…呀唔係，係畀人掟先啱。

唔好以為羊咩俠成日見人就「咩呀！咩呀」咁好粗聲粗氣，其實佢鐵漢柔情，內裡不知幾有愛心，你睇佢同唔同動物都做到friend就知啦。

各位PS大神改圖就改得開心喇，不過毛毛勸你哋都係盡快收手，唔係後果不堪設想呀，你哋見唔見飛天羊咩俠班手足羊咁眼睥實你哋呀…… 

PsBattle: A New Zealand Lamb from photoshopbattles

封面圖片、資料來源連結：Red Meat NZ、reddit、zerojirou／twitter

【PS大神系列】

【係愛呀】奧巴馬普京情深對望 網民瘋狂改圖

呢隻鷹霸氣外露到畀網友瘋狂改圖

舉手貓畀人改圖變萬能Key

白眼圈狗狗畀網民瘋狂改圖