2016年10月25日 星期二
一開部iP7 Plus新機就見到入面set咗未見過嘅電話號碼？
今時今日，買手機淨係送耳機呀叉電器呀呢啲係唔夠，仲要送埋電話號碼先得，好似係。
話說，有台灣網民前日就買咗部全新嘅iPhone7 Plus返屋企，點知當佢滿心歡喜打開部新手機嚟用嘅時候，佢竟然發現部手機入面save咗幾個佢從來都未見過嘅聯絡人資料？咦，唔通呢位網民畀人搵笨，間手機舖狗到用二手機當新機咁賣？
於是呢位網民就走返去間手機舖度問，然後個店員就話：「這是全新拆封，不可能是二手的！」
而當呢位網民嘗試打畀呢啲不知名聯絡人之後，仲畀佢發現呢啲聯絡人竟然係一家人嚟?……
雖然毛毛丁丁插沙都諗唔明點解新機入面會有唔識嘅人嘅電話號碼，但樂觀啲睇，可能間手機舖做緊「買手機送電話號碼」嘅優惠啫～而家你唔使加錢就可以擁有老公……個電話號碼喎，計落有賺啦（應該係，除非唔係）！
資料來源：洪明慧／爆料公社
