作為一個盡責嘅Facebook admin，出post嘅時候順個靚便呻下返工辛苦、借啲意講下腦細壞話都係必須嘅，腦細問到，咪話只係迎合讀者口味囉，唔係真心話嚟㗎…… 

最近台灣有間超市個Facebook admin就post咗個植入式廣告，表面上呢個係sell杯麵大特賣嘅廣告，但其實個admin就偷偷地植入咗自己瘋狂開OT嘅不滿！呢張咁raw嘅圖，就代表住佢忙到連整圖都唔得閒嘅辛酸！

可能呢個post講中晒其他行家嘅心事呀，差唔多全台灣嘅Facebook admin都去晒留言，搞到個post好似admin大集合呀！

佢哋啲留言仲要唔係留句加油努力就算㗎，而係切合返自己個page嘅特色，好似「美拍」admin就叫人直播、「104職涯社群」就講返同打工仔有關嘅嘢咁，果然係專業嘅專頁小編呀下！毛毛要好好學下嘢先得！

見呢個admin工會咁熱鬧，毛毛都想傾埋一份呀！唔知咁樣留言好唔好呢？

封面圖片、資料來源連結：全聯福利中心