今時今日，做一個稱職嘅外賣仔，都唔係咁易㗎喇。鬼咩，啲客嘅要求愈嚟愈奇怪，點夠佢哋玩呀？

好似之前都試過有客人叫外賣竟然要求間舖幫佢喺個外賣袋上面畫隻貓，食外賣都食得要有藝術態度咁話喎！

好，畫公仔都算喇，但最近居然有人叫外賣係要求啲薯條要熱的、非常熱的、剛炸好熱的（下刪1999個字……）呀！

毛毛都係第一次見有人形容熱係可以有咁多個形容詞，老老竇竇，其實呢段字係咪唔係外賣要求，而係一段rap嚟㗎下？Between，又要食啱啱炸起嘅薯條，又要叫外賣，係咪玩嘢先！唉，睇嚟都冇辦法，要出絕招喇！

冇錯，就係拎埋個鑊，去佢屋企炸囉咩事呀！咁樣樣夠晒原汁原味喇啩？

圖片來源、資料來源：靠北麥當勞