【濕L晒喇】婆婆 你咁樣樣擔遮有冇諗過我感受?

世上最偉大嘅愛,肯肯定係親情。唔信你睇下呢張震撼咗13億人心靈嘅相,是咪開始濕濕哋呀?嗱I mean對眼咋!

圖片來源:Imgur

呢張前排喺網上面瘋傳嘅相,就已經證明咗咩叫做愛啦~事關呢個老竇為咗唔想自己個囝淋濕,就成把遮移晒去阿囝度,自己就濕到變透視裝呀!講開又講,唔知呢個婆婆幫個孫仔擔遮嘅時候又諗緊啲咩呢下?

圖片來源:叫我阿阿阿阿婷/微博

有強國網友早幾日出街驚見前面呢兩婆孫擔遮擔到咁樣樣,個小朋友仲一面看透世事咁款,真係好有性格。嗯,寶寶濕了,但寶寶不怕。有網民仲改圖,整咗好出名嘅韓國三胞胎嘅二佬宋民國個樣上去,諗住幫個小朋友打氣呀!

圖片來源:微博

冇錯,無論受盡風吹雨打,都要笑著活下去!聽日一定會更加大雨嘅啫,係咪呀哈姆太郎?Between,其實個婆婆後來都有解釋返,因為當時又落大雨,又掛住過馬路,都唔知道原來自己個孫伸咗個頭出嚟,仲話個孫淋咗咁耐雨心痛死佢𠻹呀!係咯,其實落大雨又咩好怕喎!阿婆咁鍚自己,就算濕L晒,都唔L使驚啦!

 

圖片來源、資料來源:叫我阿阿阿阿婷/微博

毛記電視網站 · 版權所有 · 不得轉載 Copyright © TVMOST.COM.HK All rights reserved