神之手嚟講，除咗出晒名嘅加藤先生之外，其實日本仲有唔少隱世神之手㗎！就好似呢位日本網民咁，佢竟然可以用三個鐘就將平時屋企用開嘅杯杯碟碟合體變成金黃色嘅聖杯喎！到底呢位網民對手有幾神？等毛毛同大家一齊睇過睇過～

喂，個聖杯靚到咁樣樣，上面又有晒花紋又盛……呢個真係用屋企啲杯杯碟碟所整成嘅？

冇錯！如大家所見，呢個金光閃閃嘅聖杯就係呢位網民用以上呢幾個杯杯碟碟所整成嘅。（ps：唔計最大嗰個托盤）

首先，呢位網民就將啲杯杯碟碟一個一個咁疊好，然後就將佢哋固定好位置，跟住……由於時間關係，一個靚靚黃金聖杯就咁完成咗喇！

而更犀利嘅係，呢位網民話佢所有材料都只係用咗700円就買齊晒喇！咦，咁咪即係大約港幣50蚊？用50蚊就可以整到個咁靚嘅聖杯又幾抵喎，等毛毛都嗱嗱聲整返個畀……自己先～

資料來源：ya_z_ha／twitter