【豬一樣嘅對手】講句自己人就成功KO詐騙集團

開講都有話,騙徒手法層出……相同,成日嚟嚟去去唔係買點數卡就幫佢收個message,真係一開波就估到佢想點啦,幾冇癮呀!話口未完,就有個網民畀騙徒叫佢幫收手個message,問佢幾多號電話喇!

圖片來源:闢谷白

圖片來源:闢谷白

圖片來源:闢谷白

好彩個網民夠醒目,一開波就同佢講暗號:「自己人」,個騙徒又信到十足十,諗住有錢齊齊搵,問網民一唔一齊食大茶飯,仲打算去搵佢面對面慢慢傾呀!

圖片來源:闢谷白

圖片來源:闢谷白

又川普又大陸,睇落佢哋兩個都幾好傾呀,如果合作嘅話都可能做到最佳拍檔。騙徒自己就成日呃人呀,點知原來內心咁pure咁true,只係一句「自己人」就信晒對方,毛毛突然相信世界係有希望嘅,55。

圖片來源:闢谷白

圖片來源:闢谷白

畀佢呃嘅豬就遇得多喇,咁好傾嘅自己人騙徒可能真係未遇過,所以佢都非常珍惜呢段緣份,主動送上自己嘅電話冧把,希望同呢個有緣自己人keep in touch!

圖片來源:闢谷白

呢個騙徒冧把,得來全不費工夫,醒目網民當然都唔會放過呢個機會,立馬save低個冧把……再send畀警察叔叔啦!呢個故事教訓我哋,上網交友要小心至上,尤其你係做騙徒呀!

 

 

 

封面圖片、資料來源連結:闢谷白 

 

毛記電視網站 · 版權所有 · 不得轉載 Copyright © TVMOST.COM.HK All rights reserved