潮流嘅嘢，咁易畀你估到就唔係潮流啦，唔係人人都好似Deanie 姐咁神機妙算，廿年前就已經預知龍蝦裝嘅熱潮㗎，學佢話齋，你估個個都著得起呀！好似呢套堅係膠⋯⋯紙造嘅春裝咁，就已經唔係人人carry得到喇！

啲人成日話著黑絲好Sexy喎~ Come on James! 成熟啲啦，仲講黑絲，而家潮流係咩呀，黑膠紙呀！你學吓台灣呢個妹豬，人哋幾有Fashion Sense呀，用黑膠紙圍住自己就變咗套「2017最新春裝」出嚟。你睇吓，性感得嚟又帶點束縛，束縛得嚟又帶點野性，簡直就好似草原上嘅斑馬咁鮮明，咁出眾呀！

你睇佢啲「廁紙」，加埋呢個殺死人嘅甫士，簡直就係未來Model界嘅典範！到換季嘅時候，要逐條逐條撕返啲膠紙出嚟，真係諗下都覺得痛呀。不過傻啦，區區一條黑膠紙又點會阻到佢對Fashion界嘅熱誠呢？少少苦楚等於激勵呀嘛。至於有啲Fashion界行外人話佢咁樣好7，正所謂7到盡頭便是型呀嘛，你估咁易呀！

你話好似外國呢個妹豬咁，著咗一百件衫， 想除又除唔到，又無人幫佢，咁就真係7到喊啦。Btw，毛毛一開始都覺得呢個綁法好熟口面，不過硬係諗唔起喺邊見過。原來就係你！

溫馨提示，呢種咁有藝術感嘅綁法，真係唔係個個都得，毛毛奉勸大家，要經過多年專業訓練，喺愛情動作片方面有返咁上下造詣先好試呀。不過，通常符合要求嘅人，都唔慌有機會實戰㗎喇，好似係，除非唔係。

封面圖片、資料來源：蘇興達／爆廢公社
圖片來源： dcard、_andreeaa3/twitter 、爆廢公社