那些年，班房入面臥虎藏龍，你永遠唔知身邊嗰位同學收埋咗啲咩絕技！係beatbox奇才未定，係地獄廚神未定，係未來亞太區（亞皆老街至太子）最受歡迎男歌手都未定……any肥，咩高手都好，一出手便知有沒有，而台灣呢位同學仔就終於等到佢同學出手嘞！

嘩，上解剖堂啫，使唔使抄note屎抄到連每塊骨骼都畫埋出嚟咁細緻呀？再加埋啲咁清晰嘅中英文標籤，真係好amazing，即係好勁呀！

老老77，連畫嚿骨都畫得咁一絲不苟，你叫隔籬位同學仔望住你note屎情何以堪喎！

有嗰咁神嘅同學，你可以點？冇㗎，一係叫佢幫你抄多份notes，一係咪好似簿上面隻釋迦維尼咁，擰轉面扮睇唔到囉……幻覺嚟啫，嚇毛毛唔到嘅！

封面圖片、資料來源：dcard