眾所9知，紅葉呢家嘢就同粉紅色乳頭一樣，係可遇不可求嘅，就算睇晒啲咩紅葉情報先去追紅葉，有時都會遇上不測之風雲（好似係）。有見及此，有日本網民就研究出一個一年四季都睇到紅葉嘅方法……冇錯，秘訣就喺呢塊紅膠片度！

只要你帶住呢塊紅色膠片，就算去到紅葉名所見到啲葉未轉紅都唔緊要，因為只要將塊膠片放喺鏡頭前面，幾紅嘅紅葉都畀你影到啦！（只不過係連個天都變埋紅色咋嘛……）

雖然有網民覺得呢個紅色膠片影紅葉法真係好膠，但以毛毛9估，唔通人哋喺度向豐島著名藝術館之一嘅「豐島橫尾館」致敬又要話你哋知咩？其實去「豐島橫尾館」睇到嘅影像咪又係咁，都不知幾有藝術感！

計毛毛話，紅葉咋嘛，成日上facebook都見到㗎啦，有幾特別啫！分分鐘用咗紅色膠片影嘅紅葉相仲多like過堅．紅葉相?呀！

資料來源：ARuFa_FARu／twitter、benesse-artsite