咩話？做收銀要做到命都畀埋你？
係㗎，事關啲收銀姐姐一日番9個鐘頭工，就要企足9個鐘，有時企到攰想坐下...
sorry，佢哋差張凳... 唔通... 企喺度收銀真係會快手啲？
曾經幫過保安員爭取喺工作崗位放一張凳嘅程展緯，今次就決定要幫大型連鎖超市惠康嘅收銀員爭番張凳仔！一張凳仔唔單止可以畀收銀員得閒個陣坐低抖下，最重要嘅係幫佢哋拎番應有嘅待遇同尊嚴。
程展緯話，同樣都係打工仔嘅我哋，都可以出番分力，幫手一齊爭凳仔！