2016年12月08日 星期四
【不得了】係有肉球觸感嘅化妝棉呀！
認真，邊有貓奴可以抵擋得到主子肉球嘅魅力㗎？有嗰個都唔配做貓奴啦！嗰種粉嫩嘅顏色，加上軟綿綿嘅質感，真係令一眾貓奴sss忍唔住一摸再摸。而有日本美容公司就深知一眾貓奴嘅心，繼早前推出咗肉球味嘅hand cream之後，最近又推出咗一款有肉球觸感嘅化妝棉喎！一齊睇下～
嗚哇，呢款粉紅色嘅化妝棉上面壓住大大個貓掌圖案，淨係呢樣嘢已經好夠做啦。加上佢係100 %純棉製，咁柔軟，用咗佢咪好似主子摸緊你塊面咁囉（留意返，仲要係冇出貓爪嘅主子）～真係諗起都覺得興奮呀！
而講到價錢……一盒有60塊嘅化妝棉就賣1077円（含稅），即係大約港幣73蚊嘅。
雖然價錢就唔算好平，不過重點係……每賣出一盒，呢間公司都會捐30円畀一個叫「フェリシモの猫基金」嘅貓貓慈善基金！喂大佬，可以享受貓貓幫你卸妝護膚嘅感覺之餘，又可以幫到貓貓，你班貓奴有機會去日本仲唔瘋狂入貨？
資料來源：felissimo（＜更多詳情撳呢度）
