老老竇竇，女女嘅心理真係好難捉摸，又係佢自己話自己冇嬲，咁冇嬲咪唔氹佢囉，點知唔氹佢佢又話嬲嘞……唉，好彩毛毛唔使煩呢啲啫。而最近，有位台灣仔仔都話睇唔透女朋友嘅舉動代表乜嘢意思，而家就等毛毛同大家研究一下啦！

嘩，做咩事有大煲雞子喺度嘅？而且煲雞子仲落咗唔少薑片?，使唔使咁補呀？

是咁的，話說呢位仔仔某日O緊T嘅時候，女朋友就問使唔使幫佢買飯啦，咁佢都O到冇乜胃口咯，咪叫女朋友求其買啲小食畀佢就算囉，點知……佢女朋友就整咗煲咁嘅嘢佢歎喇！呢煲雞子搞到佢一頭霧水，所以咪上網問下廣大網民嘅意見囉。咦，唔通佢女朋友嫌佢交唔足功課，所以畀佢補一補？定還是呢煲係一煲性暗示嚟呀？

計毛毛話dry，邊得嚟咁多性暗示吖？唔通人哋個木瓜生嘢又唔想抌咗佢咁嘥先煮畀你食又要話你知咩！

資料來源：Jeff Nien／●【爆廢公社二館】●、林丸子‎／●【爆料公社】●

延伸閱讀：【打邊爐啱晒】嘩！木瓜入面呢三粒乜嘢嚟㗎？