通常嚟講，啲人一聽到有抹茶口味嘅新產品推出都會濕晒（i mean個口），所以次次有抹茶新品推出，真係唔快手啲都搶唔到！而最近，台灣都有一款新出抹茶味湯圓畀人買到斷晒市，搞到一位抹茶控台妹買唔到喎……

搶唔到就唔食？呢位台妹話：「你以為我會就此放棄嗎？對，我放棄。我自己做啊！」

材料有：糯米粉120g、水90g、白朱古力、鮮忌廉、牛油，同埋主角抹茶粉。

準備好材料之後，就可以整個餡嘞！

首先，將抹茶粉加入鮮忌廉裏面，再隔水加熱攪拌。跟住就加入白朱古力，利用頭先加熱過後嘅餘溫將佢融化，攪勻之後再加埋牛油，令佢哋「緊密結合，擁抱彼此」，最後再將呢兜嘢放入雪櫃雪到凝固就ok喇！

然後到個湯圓皮：

好簡單，將水倒入粉入面搓勻，然後佢就會變成一嚿麵團。然後拎其中一小部份放入滾水度淥熟，再放返入頭先嚿麵團度搓勻。呢位台妹話咁樣做會令麵團更有黏性喎～

到咗包湯圓嘅毛文嚕：

留意返，因為而家要包嘅係朱古力，所以我哋要出動「冷凍之手」！不過如果你得「太陽之手」嘅話，你就唯有啲動作爽手啲啦下。而呢位妹豬都話由於啲朱古力真係融得好快嘅關係，所以呢一part就影唔到更多相喇。

wow，搞完一大輪，終於可以煮嚟食喇！

點呀～係咪見到都想實一甩呢？

資料來源：dcard