講到快樂嘅童年，除咗一堆陪住大家成長嘅高汁動畫之外，又點少得星爺嘅電影呀！

繼早幾個星期前，有台灣網民喺台北士林發現偽唐伯虎（即係堅．祝枝山）嘅真跡－「神鳥鳳凰圖」之後，最近又有另一位台灣網民喺第二個地方發現祝枝山嘅墨寶喎……咦喂，乜又係你呀祝生？而家就等毛毛同大家一齊欣賞下祝生嘅畫功先！

登登登櫈，係畫咗「雞仔啄米圖」……呀唔係，係畫咗「神鳥鳳凰圖」喺車頭嘅戰車呀！大家睇下架戰車開埋車頭燈之後，隻神鳥變得幾有氣勢～光芒四射咁款，真係好出色、好出眾！

btw，如果連「神鳥鳳凰圖」都唔知係咩嚟，即係好打極有限嘅朋友仔，可以重溫返星爺經典作品之一《唐伯虎點秋香》入面嘅呢一幕：

資料來源：AnewMitch／ptt、葉旂旂‎／●【爆笑公社】●

回帶：【係咪你呀祝枝山】終於畀我見到傳說中嘅神鳥鳳凰圖喇！