上海滴滴尼自從開幕以嚟，已經貫徹富中國特色文化嘅方針，土豪金嘅米奇形象深入民心。而祖國嘅遊客都不負所望，堅持宣揚我國美好文化傳統！打尖、隨地便便呢啲濕濕碎啦～最重要嘅係「一個也不能少」！ 係一個便宜也不能少呀！

今年係雞年，所以滴滴尼就破格畀唐老鴨上位做今年吉祥物喇～點解搵隻鴨代表雞年？大家都係家禽，就不要分得那麼細啦～但這個笨不是重點，重點係佢手上嗰盆糖呀！大大盆代表祝大家盆滿砵滿咁話喎，雖然啲糖都係假嘅，但係咁先可以代表強國文化嘅精髓呀嘛！

唔係下化，假糖都畀人搶？不過假貨比真貨好呀嘛～喺鋪頭買嗰啲糖唔通又係真㗎咩？黐到咁實都搣到出嚟，完全突顯國家嘅同胞手指功夫有幾高超呀！最慘唐老鴨眼白白望住佢哋摵走又冇得阻止佢哋，呢個年頭真係「雞」都唔易做呀！

唔夠兩日啲糖已經得返一半，唔緊要啦，冇咗一半同仲有一半都係睇你點睇㗎啫，正面啲，正面啲！

過多三日得返幾粒?咋。可憐嘅唐老鴨仲要強顏歡笑咁揸住個空兜搵食，唐老鴨你都唔好太傷心啦，淨返幾粒都叫做「年年有餘」吖？計毛毛話，最衰就係啲工作人員唔refill，人哋唔原隻唐老鴨搬去做北京填鴨咪算皇恩浩蕩囉，拎幾粒糖仲咁多聲氣，要不是咱們來消費，米奇老鼠都餓死了！

封面圖片及資料來源： 孫豆爾／ 微博