到底煎pancake煎到最高境界係點㗎呢？好似早前一位日本pancake高手咁，煎到一反轉塊pancake就有個動漫公仔喺上面就叫最高境界？未算！計毛毛話，應該要好似以下呢位日本網民咁煎到塊pancake有保護色，咁先叫最高境界㗎嘛！事不宜遲，即刻同大家睇下呢塊pancake。

唔好意思，又話有pancake嘅？點解而家淨係得隻乜都冇嘅黑色平底鍋㗎？唉，毛毛咪講咗囉！呢塊最高境界嘅pancake有保護色㗎嘛，你哋畀多少少磨擦力咪睇到囉……嗱嗱嗱，係咪呢～係咪呢～

估唔到當今世上竟然有人擁有如此高超嘅廚藝，將塊pancake煎到有保護色，令想偷食嘅人察覺唔到佢存在，就算發現到佢存在都唔想擺入口，真係令毛毛欽敬欽敬！

正所謂：「一不離二，二不離三」，擁有高超廚藝嘅仲有呢位將意粉煮到成塊鐵餅咁嘅網民。

嗯，唔知點解，睇完呢兩位網民嘅大作之後，毛毛好似突然驚覺原來新年日L日食同一樣餸已經好幸福……冇咩嘅話，毛毛出返去食糕先。

昔作ったフライパンに擬態するホットケーキです pic.twitter.com/nZ3S9ryQTJ

— アキモト (@Akmt_T) 2017年1月25日

資料來源：Akmt_T／twitter、teicln／twitter

睇埋：【比暗黑更暗黑】你唔係話我聽呢餅嘢係意粉呀？