主人嘅作用係咩？主人嘅作用之唔係要嚟玩殘㗎囉。好似呢隻鸚鵡仔咁，最近佢先將主人屋企張靚靚白色籐椅煎皮拆骨，搞到張櫈剩係得返個支架，玩到個主人頭都大埋咋嘛……嘩，隻鸚鵡仔居然百厭到咁樣樣呀？小二，兩斤花生！

嗚哇！憑住鸚鵡仔純熟嘅口技，唔使一陣間，張櫈就畀佢啄到得返個支架喇……

老老77，雖然張靚靚白色籐椅係就係就畀鸚鵡仔啄到得返個支架，但樂觀啲睇，起碼張櫈唔係連支架都冇埋吖～剩係得返個支架都仲坐到人呀，只不過係冇咁舒服啫！你話係咪喇哈姆太郎？

要講到慘嘅，早前呢隻雀雀嘅主人咪仲慘！一月都未過，佢隻雀雀已經搣定個月曆去三月喇……你張櫈得返個支架都話仲坐到啫，但月曆搣咗就冇㗎喇！

any肥，雖然啲寵物有時係曳咗啲，但「養不教，主人之過」，所以你班主人都係認命啦！更何況冇咗班咁百厭嘅寵物，你哋又點影到得意相擺上網呃Like喎！毛毛諗……呢啲應該就叫做等價交換嘞。（起音樂：若被傷害夠～就……）

資料來源：鈴熊／微博、darumann230／twitter

回帶：【心急小小鳥】1月都未過我隻雀已經搣定個月曆去3月喇

回帶又回帶：【粒粒皆辛苦】主人我幫你重新排列過個鍵盤咋！