對一個男人嚟講，打機就係精神嘅支柱，打機就係工作嘅動力……你哋話假如可以日日留喺屋企打機唔使返工，咁個世界幾美好呢！

想日日留喺屋企打機唔使返工？得，退咗休，好似呢位來自外國嘅87歲婆婆Hazel咁咪得囉！

話說，最近有外國網民就遇到一位叫Hazel嘅婆婆。雖然Hazel今年已經87歲呀，但佢都不知幾精靈，日日打PS4大戰三百個回合都完全冇問題！唔止咁，佢仲連「Skyrim」攻略都刨埋?～想贏阿婆？冇咁易！

而講到活到老玩到老嘅嘢，另外呢位日本婆婆都好堅㗎。佢成72歲先由零開始學影相，學完仲要自己做埋model去影呢啲咁有動感嘅攝影作品，而且仲搞埋個人攝影展，毛毛真係不得不寫個服字畀你呀婆婆！

老老77，其實人老又有咩好怕喎？最緊要人老心不老吖嘛！好似以上呢兩位老人家咁，唔怕接觸新事物，咁自自然然就無論幾多歲都咁fresh啦～

資料來源：pickedapeckofpickledpeppers／imgur、kushinon／twitter

回帶：87歲婆婆都可以做動感系攝影大師

又回帶：【史上最潮阿嫲】識玩FB自拍仲會落filter執相