點解命運要咁殘酷？明明毛毛已經用快過小明嘅速度跑去巴士站㗎啦，竟然咁都追唔到架車？唉，下班車仲要等成廿分鐘?㗎……等車等到人都癲？唔驚，啪住等咪唔怕悶囉！

話說，最近有澳門網民就喺巴士站發現咗一堆不明來歷嘅啪啪紙，而堆啪啪紙上面仲擺咗張寫住「Antistress For Free／無聊請捏我」嘅牌?！喂，到底邊個諗到擺啲啪啪紙喺度畀等車嘅人解悶咁有創意呀？雖然唔知邊個搞呢壇嘢出嚟，但一班經常喺呢個巴士站等車嘅網民都表示，次次放工放學時間都上唔到車，擺幾多啪啪紙喺度都肯定啪得哂呀！

（弱弱一問，個「無聊請捏我」牌指住圖中嗰位女士，意思係咪叫毛毛捏嗰位女士呀？）

除咗提供啪啪紙畀大家解悶嗰位有心人之外，其實有時啲巴士司機都好好人㗎。嗱，就好似早前呢位香港嘅巴士司機咁咋嘛，佢見夜晚天氣咁凍，於是就開定架車埋站，等啲乘客可以早啲上車等喇！咁有愛，就算天氣幾凍，個心都即刻變返暖啦～

資料來源：Shirley Lou、Kc Leung‎／Tai Po 大埔

睇埋：【暖到入心入肺】巴士叔叔放乘客上車避西北風