想睇動物大遷徙？唔一定要特登飛去非洲睇咁遠嘅……假如pokemon go再次掀起熱潮嗰陣咪日日都有得睇囉！你有興趣嘅，跑埋一份、親身感受下萬人奔騰嘅氣氛又點話吖！

嗯嗯，雖然pokemon go再次掀起熱潮嘅機會唔高，不過大遷徙都有可能隨時找上你㗎～

就好似呢位網友咁，揸揸下車就畀佢見到有群羚羊跳咗出嚟喇，啲羚羊突然之間彈入又彈出，真係嚇到心都離一離呀！喂大佬，咪以為你哋唔係斑馬就唔使行斑馬線過馬路，守下交通規則好喎！

不過司機又吹佢哋唔漲，唯有停車讓佢哋過先啦。

十幾廿隻羚羊喺咁跳……呢個場景係咪好熟口面呢？冇錯，咪臭係你瞓唔著數綿羊嗰陣喺你腦海出現過囉！

一隻羚羊，兩隻羚羊，三隻羚羊⋯⋯大佬拍硬檔跳慢啲，數唔切呀⋯⋯司機咁數法，應該都好快會瞓著㗎喇⋯⋯

就係呢個時候，震驚七百萬人嘅真相終於出現咗……原來今次唔係大遷徙，係大逃殺呀！如果唔走快啲就畀豹哥捉到㗎喇！

豹哥表示：「想偷我雞！冇咁易！」 

望住豹哥追住佢哋入叢林，真係戥班羚羊緊張。究竟豹哥可唔可以乘勝追擊，捉到佢嘅晚餐呢？答案係：「唔得。」 唉，睇嚟佢今晚返去又要畀老婆扭耳仔喇⋯⋯你哋啲人類仲喺度食花生？一陣豹哥搵你哋做後備晚餐，你哋就預備喺FB打生命中最後一次卡啦！

封面圖片及資料來源：the Dodo／Facebook