聽講日本特別多貓奴！如果唔係呀，就唔會有日本公司推出肉球味道嘅hand cream同有肉球觸感嘅化妝棉啦～嗱，作為一個貓奴，你哋冇理由唔知道貓貓肉球嘅吸引力有幾大呀嘛？

最近，有日本網民就喺食緊三文魚籽嘅時候，無意中發現其中一粒三文魚籽裡面出現咗一個肉球圖案（正確嚟講，應該係得三隻腳趾嘅肉球圖案先啱），於是就即刻影低佢同廣大網民開心些牙一下，結果有唔少網民見到呢個出現喺三文魚籽裡面嘅肉球圖案都話好打耳，仲話係主子顯靈?呀～

老老竇竇，呢位網民本身加入咗貓奴嘅行列未㗎？千年難得一遇嘅貓貓肉球三文魚籽都畀你見到，你仲唔係畀主子揀中嘅細路？喂，未就好快啲加入喇！

另外，除咗主子顯靈之外，有另一位日本網民都疑似遇到神蹟。話說呢位網民就諗住搽個粉底啦，點知啲粉底一唧出嚟，個形狀就係咁樣樣喇……嗱嗱嗱，你哋話今次又係乜嘢顯靈嘞？

いくらの中に肉球あった pic.twitter.com/GGO83n94Xo

— ぴょん︎☺︎ (@0513Yuumi) 2017年2月14日

資料來源：0513Yuumi／twitter、ikd6／twitter

肉球迷系列：

【不得了】係有肉球觸感嘅化妝棉呀！

【主子肉球限量版】見奴才你盒遮瑕好似幾靚咪拎嚟用下囉