萬字夾，又稱迴紋針、迴形針、曲別針，屬於文具嘅一種，主要作用係用嚟夾實啲紙。

最近，有台灣網民就喺一間百貨公司嘅文具用品部度，見到個本來應該寫住「長尾夾／迴形針」嘅牌竟然打錯咗做「長尾夾／迴魂針」喎……嘩，咁大間公司，唔係連字都打錯呀嘛？你估你係毛毛咩！

以毛毛9估，人哋打開門做生意嘅，又點會連「迴紋針」都打錯咗做「迴魂針」咁7呢～計毛毛話，「迴魂針」一定係呢間公司嘅新商品就真！

估唔到呢間百貨公司竟然連「迴魂針」都有得賣……btw，回魂針毛毛睇戲嗰陣就見得多嘞，唔知「迴魂針」又係咩玩法？作用又係咪同回魂針一樣㗎呢？唉，支「迴魂針」真係搞到呢位網民一頭霧水，於是佢決定集思廣益，問下一眾網民「迴魂針」係要嚟做咩。

有網民話，回魂針顧名思義就係要嚟回魂㗎啦，過咗頭七之後插一下咪可以起死回生囉；都有網民話，人死又邊可以復生吖，呢支回魂針擺明就係腦細專用，要嚟插啲遊緊魂嘅員工㗎啦！

any肥，乜大家以為冇回魂針就唔使畀人插喇咩？做嘢啦仲望！

資料來源：張豐鑠／爆廢公社

睇埋：表面上佢係骨頭萬字夾，但實際上……