一個人喺唔清醒嘅狀態之下真係好容易做7事……最近，有位日本網民就喺半睡半醒之間做咗件7事呀，佢竟然傻豬豬到拎咗自己張證件相當係郵票咁用，仲真係拎咗封信出去寄?？小二，兩斤花生！

是咁的，話說呢位日本網民日前寄出去封信就畀郵局彈返轉頭，佢拎起封信一睇先知原來自己貼上信封度嘅笨唔係郵票，係自己張靚仔證件相呀！

唉，雖然你張靚仔證件相同郵票個size就差唔多啫，但你都唔係大頭蝦到咁都搞得錯呀嘛？真係想笑大郵差叔叔個口咩……

不過講到大頭蝦嘅，早前呢位日本網民都唔弱。平時啲暖包揸幾揸就識發熱，但佢手上面呢個暖包，無論揸幾耐都仲係咁凍，而且聞落仲有陣茶葉味……嗯，咁咪因為呢位網民原來一直都當咗個茶包係暖包咁拎出街囉。

仲有呢位台灣網民呀，佢有晚準備刷牙嗰陣搵嚟搵去搵唔到支牙刷，點知第二日就發現原來支牙刷收埋咗喺筆袋入面喇…… 

老老77，喺唔清醒嘅狀態之下做咗7事又點吖？總好過有啲人喺清醒嘅狀態之下都照做7事吖。

寝ぼけながら書類仕上げた結果郵便局から返送されてきた封筒
だいぶやらかした、はずかしい、、 pic.twitter.com/H8BH6XBtLY

— 谷村温樹 (@EWwjbQrqKNoTJcy) 2017年3月5日

資料來源：EWwjbQrqKNoTJcy／twitter、motosuke516／twitter、dcard

傻傻分不清系列：

點解我會當咗個茶包係暖包咁拎出街㗎？

唔小心手快快當咗支牙刷係筆帶返公司…