做手工藝真係好難㗎，特別係要做到整嗰樣似嗰樣之餘，又要有自己風格。而家有好多手藝都已經失傳晒，就算有，都好少喺街度見到啦⋯⋯所以見到就好把握機會支持下喇！雖然唔少師傅都已經有返咁上下年紀，但係唔好睇小佢哋呀，就算你話要啲咩新潮嘢，只要有圖佢睇，好多都會盡做畀你嘅 ～

台灣呢位網友就好鍾意呢排好hit嘅卡娜赫拉插圖隻成日恰9隻雞仔嘅粉紅兔兔，咁啱又見到學校有師傅擺檔吹玻璃，仲話可以自訂要咩公仔，梗係要捧下場啦！

見師傅係咁望住幅圖咁吹呀吹～讓玻璃吹～睇到妹豬都有啲興奮呀，真係好期待究竟吹出嚟係咩樣呀～

說好的粉紅兔兔呢？！呃⋯⋯其實師傅都冇錯呀，的確係粉紅色嘅兔仔啵，係對眼仔精靈咗啲啫，大家都是兔兔，不用分得那麼細啦～同埋70蚊台幣，即係廿蚊港紙都唔使就有一隻咁有動感嘅兔兔，真係抵到爛啦！

嗱，其他網民幫你畫返個樣係咪好咗好多呢～有另一個網友就話自己個同學叫師傅整咗柴柴同馬來獏，又係好似唔多滿意啵～

其實馬來獏都⋯⋯幾似呀～雖然原作者見到應該會喊，但都一定係開心嘅淚水啫，一定係！至於隻柴柴呢⋯⋯根據毛毛精密嘅9估頭腦，其實師傅可能只係整咗第隻狗明星啫！

咪臭係PetPet當家嗰隻Max囉～肯肯定係師傅買大包，特登唔整柴柴咁普通，想畀個實派士畀客人啫～

不過好多妹豬都係口裡說不，身體很誠實嘅～網友話嗰個同學仔，上一秒話完自己被騙，下一秒咪又係開開心心拎住兩支棒棒去搵男朋友～其實睇得出師傅都好畀心機整㗎喇，大家就唔好難為師傅啦～話晒可以堅持去做一種手藝咁多年，都已經好值得尊重啦，係咪？

封面圖片及資料來源：qowo9／PTT、電影《PetPet當家》遊戲官方網頁