你知唔知世上最浪漫嘅食物係咩呀？心太軟呀？紫薯芝士雞煲呀？心形牛扒呀？統統都唔係呀，係孖條至真呀！可能而家新一代連聽都未聽過咩叫孖條啦，毛毛就解釋下啦，即係兩條黐埋一齊嘅雪條，基本上買得嘅人都預咗同身邊人開心些牙嚟食先會買，所以係咪好露mantic先！

情侶喺屋企冇嘢食，個女朋友問男朋友有咩食呀，男朋友九成都會話請佢食蕉嘅（嘻嘻）……咁唔浪漫，女朋友實黑晒面啦！嗱，如果男朋友拎呢條蕉出嚟就唔同講法喇！不過睇嘢又唔好咁表面，佢賣點唔係粗壯嘅外表啵！

咩蕉咁巴閉？燈燈燈凳！之唔係孖蕉囉！一搣開塊蕉皮之後先發現，原來入面嘅香蕉係打孖上嚟，嗱，同女朋友你一條我一條，係咪好sweet先～

想再sweet啲，咪打埋呢隻蛋中蛋食囉，你中有我我中有你吖嘛！

変な形だなとは思ったけど、まさかの双子 pic.twitter.com/03hOJhKBbP

— (株) ずかし と たくい (@ZukashiT) April 23, 2017

封面圖片、資料來源連結：ZukashiT／twitter、Nouji_center／twitter

同場加映：【發現新大陸】點解打開隻蛋入面仲有另一隻蛋嘅！