講起寵物，肯肯定十個人有十一個都會諗起喵星人同汪星人呀，就算你講到自己個腦袋幾特別，最多咪畀你諗到兔仔同小刺蝟囉，真係好少人會第一時間諗到爬蟲類㗎～

日本呢個網民雖然就唔係養爬蟲類做寵物，不過都要日日對住啲爬蟲類㗎，唔係因為佢住喺森林入面呀，而係因為佢係一個照顧爬蟲類動物嘅看護師嚟嘅～（點解毛毛揀呢張相嚟post？因為我對蛇呀蜥蜴呀青蛙之類真係有少少恐懼……想睇就自己上佢twitter慢慢丁啦下。）

呢位爬蟲類看護師最近就post咗張相，話自己唔知是咪工作累鳥搞到眼殘，竟然睇到個印度叔叔喎！下？明明係兩隻龜嚟喎，唔通龜殼上面啲花紋係印度人咁樣樣嘅？

毛毛由龜頭睇到龜尾，都唔見有印度叔叔喎！原來重點唔喺隻龜度，而係龜龜下面嘅倒影呀！張枱反照到龜龜心口嘅花紋出嚟，又真係幾似印度叔叔啵，你見唔見到粗粗嘅眉毛同埋鬍鬚先？

將龜龜下面嘅抽象印度叔叔畫埋做二次元version之後，仲有幾分似亞拉伯王子咁樣樣啵！唔知龜龜睇到自己因為個倒映之後，會唔會想食返碟咖喱呢？

たぶん、自分がすごく
疲れてるんだと思う…

この亀2匹写ってる写真が

どーしても、インド風のおじさん2人が
ガラスの向からのぞき込んでるようにしか見えない… pic.twitter.com/6ya6MuMfn9

— ちゃま✩爬虫類 (@chamao_zoo3) April 20, 2017

封面圖片、資料來源連結： chamao_zoo3／twitter、curazy.com