2017年04月25日 星期二
【夏天必學】只要加少少cream喺捕蚊燈就可以有咁大收穫？
夏天，為大地帶嚟美腿，同埋……啪啪啪！嘩，一出美腿之後咁快就嚟啪啪啪？都幾猴擒下喎！係呀，佢哋真係好心急㗎，一見到你身上有任何一分一吋露出嘅肌膚，就會飛撲埋嚟大大啖咁吸落去，留底一個礙眼嘅紅印之後，就帶住滿足嘅表情，斯斯然咁離開……
咁猴擒嘅，咪就係啲衰蚊囉，而啲啪啪啪聲，咪就係拍蚊嘅聲囉（包括拍中同拍唔中）！夏天一到，啲衰蚊就齊齊出動，就算裝咗捕蚊燈都捉佢哋唔曬咁呀！嘩，乜咁大收獲嘅？呢嚿黑鼆鼆嘅笨唔係積塵，而係畀捕蚊燈收服咗嘅蚊嚟呀！有台灣網民話，只要喺捕蚊燈入面加少少面霜，就可以引到好多蚊自投羅網㗎喇！啲蚊多到成座山仔咁，要清理佢都需要咁上下勇氣……
之前試過有死神每次拍死一隻蚊之後，都黐曬喺紙上面，仲幫啲標本改曬名、mark低埋日子，集成呢本蚊之死亡筆記……嘩，如果用咗cream嚟誘捕啲蚊，大大話話成百幾隻蚊，咪有排寫？
封面圖片、資料來源連結：COSTCO好市多消費經驗分享區、詹榮濬
同場加映：
