點解《海賊王》連載咗咁多年都仲有咁多Fans？梗係啦，除咗因為套嘢講追求夢想夠熱血之外，入面仲有好多感人嘅經典場景。唔好話妹豬，就算係大男人都會睇到爆喊呀！嗱，作為《海賊王》嘅Fans，你敢唔敢話你個個場景同情節都記得晒先？

嗯，未睇過《海賊王》嘅人都知佢係路飛，毛毛梗係唔會問大家呢幅畫入面嗰個係邊個咁低層次啦⋯⋯古乳有暈，魔鬼在細節呀！

放大啲睇就會發現呢個路飛原來係由《海賊王》好多個進入偉大航道之前嘅情節組成㗎。阿龍樂園打魚人救娜美，紅髮送帽畀路飛，仲有卓洛喺海上餐廳遇到鷹眼，真係越睇越多驚喜呀！

就連路飛隻眼都係路飛用橡膠氣球反彈緊巴基彈嘅場景嚟㗎！真係好Amazing呀！

呢幅畫其實係由香港畫家阿梁畫嘅，佢用《不誠實紀錄》嘅手法畫咗唔同嘅作品，幅幅都畫中有畫㗎。除咗路飛，其實佢之前都有用同樣手法畫過悟空出嚟㗎！仲有啲畫係用香港嘅地標同風景做題材㗎?！

想知呢幅路飛嘅製作過程同埋睇阿梁嘅其他作品，可以上佢個Facebook專頁。仲可以同啲Fd子開心share，鬥快鬥眼利搵晒畫入面經典場景出嚟?！仲等咩呀？出航啦！

封面圖片及資料來源： 感謝 Ah Leung Illustration 同意轉載